مصر فى ثورة

مصر فى ثورة

الجمعة، 1 مايو 2009

أعوذ بالله من غضب الله


ونحن نمر فى هذه الايام بالذكرى السنوية للرئيس محمد حسنى مبارك , وقعت فى يدى قصاصة من الصفحة الاولى لجريدة الجمهورية بتاريخ 4 مايو 2006 عنوانها : " كل عام وصبرك جميل .. وقرارك حكيم " ـ وفيما يلى أهم مقطوعاتها الموسيقية لرئيس التحرير :ـ
ـ
ـ " تصرف مبارك بصبر الأب وحكمته وبحزمه وحنانه .. قرر أن السنوات العجاف لن تستمر طويلاً (!!) , تعامل بحنان الاب مع الطبقات الفقيرة ووقف يدافع عنها أمام فاتورة البنك الدولى ..." ـ
ـ " وبحرص الأب وحكمته حمى مبارك المصريين من مغامرات مجنونة وميول استعراضية وطلقات حنجورية .." ـ
ـ " ودخل مبارك التاريخ باعتباره أول رئيس عربى تهاجمه الصحافة التى أعطاها حريتها , بأشرس الأسلحة وهو على قيد الحياة بل وتطرقوا الى عائلته والى ابنه فى يوم فرحه وقبله وبعده .. ورغم ذلك كله صبر القائد العظيم ,, وكان حلمه باتساع حكمته وبصيرته أبعد من بصره ورحمته أسبق من غضبه وحبه أكبر من خصومته " ـ

ـ " وفى عيد ميلادك ندعوا الله أن تستمر رئيساً بقلب الأب وحنانه .. ولننعم جميعاً بصبرك الجميل الذى لا تستفزه الصغائر , وبقرارك الحكيم الذى أنقذنا ـ ولا يزال ـ من مخاطر كثيرة " ـ


ونحن بانتظار مقطوعة هذا العام الموسيقية الاعجازية !!!!ـ

هناك 7 تعليقات:

anas3laa يقول...

عليا الحرنكش يا ريس مبارك
:D

Israa El-sakka يقول...

صبر إيه و حكمة إيه و بتاع إيه فين الكلام ده ؟!!
مشفنهوش و معرفنهوش و الله
في عيد ملادك ال 82
نقولك لو إحنا ظالمين
نموت و ربنا يخليك
بجد قصيدة نجم جاااامدة اوي تحياتي

اصحى يا نايم يقول...

اليوم فى الذكرى الثانية والثمانون لمولد أكبر حدث تاريخى فى البلاد كتب محمد على ابراهيم ـ رئيس تحرير جريدة الجمهورية هذه السيمفونية فى حق الرئيس : ـ

ـ " تنعم مصر بمزايا كثيرة لا يراها من فى قلوبهم مرض لأنهم يسعون وراء النقائص لتضخيمها ويبحثون عن السلبيات بمجهر خماسى العدسات " ـ
ـ " ان عبقرية القيادة السياسية المصرية تكمن فى أنه كلما ازدادت حدة الأزمات برزت رؤيتها الثاقبة فى قراءة واعية للأزمة تضع مصالح المصريين فى بؤرة اهتمامها , وقد برز ذلك بشكل لافت للنظر فى أزمة غزة الأخيرة , كلنا يذكر خطابات الرئيس القوية الواضحة التى أخرست أصحاب الغرض والمصلحة وهواة الاستعراض الاعلامى " ـ
ـ " ويهمنى التنويه الى الاصلاح السياسى الذى يزعمون أنه لم يتحقق فى مصر وأكبر دليل على تحقيقه هو 555 صحيفة تعمل بصورة يومية وأسبوعية وتهاجم الحكومة بأعنف ما يمكن وهو مالم يتوفر فى أى فترة سابقة " ـ

أبو زهرة يقول...

يوجد مثل قديم استخدمه كثيرا عند قراءتي للصحف الحكومية ألا وهو ( إذا كان اللي بيتكلم أهبل يبقي المستمع عاقل )

غير معرف يقول...

حسبى الله ونعم الوكيل
ماهو لو كان وفر حتى الفول بالسجق للناس كنا نقول ماشى لكن تعمل ايه

غير معرف يقول...

والله فى عيد ميلادك الكام والتمانين أقولك كل سنة وانت طيب واحنا مش طيبين

الله يخرب بيتنا احنا ياشيخ

غير معرف يقول...

للشاعرالمصرى احمد فؤاد نجم فى عيد ميلاد الريس من 4 سنوات
سيدى الرئيس:فى عيد ميلادك الكام والسبعين
كل سنة وأنت طيب
واحنا مش طيبين
كل سنة وانت حاكم
واحنا محكومين
واحنا مظلومين
وحنا متها نين
ويا ترى يا حبيب الملايين
فاكرنا ولاحنا خلاص منسيين
فاكر المعتقلين
فاكر الجعانين
فاكر المتشردين
فاكر اللي ماتو محروقين
فاكر الغرقا نين
الله يكون في عونك !! ها تفتكر مين وللا مين
في عيد ميلادك الكام والسبعين...
بقول لك كلمتين...
*الأولى
شيلتنا طين
وهل تعلم أن النيل بقى رشاح
والجو أصبح بيئه والعيشة ولعه
والشرفا قلوبهم عالبلد والعة
وانت عاملهم مذبحة ولا بتاعة القلعة
وإلا قتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
*والثانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن اقول لك فيها مواويل
والجامعة بقت يا أما كباريه أودار مسنين
والشباب معظمهم من غير الخمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
*والثالثة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وادبا وعلما وفنانين
وكانوا اليابانيين
بالنووي لسه مضروبين
وللصدقة مستحقين
دلوقتى إحنا فين وهما فين
هما فوق واحنا في أسفل سافلين
*والرابعة
أمن بلدنا بقى أتنين
والمحاكم اتملت مظالم
والعداله بقت كماله
وكلمة الحق في الزبالة
وأصحابها في الزنازين
*والخامسة
والقطاع العام ...عام
والفساد ... ساد
وفي جتة بلدنا بيرعى
أفتكر لجنابك أيه ولا أيه
وكل ذكرى ليك بدمعه
آآآآآآآآه آآآآآآآآآه
أناكنت حالف ميت يمين
أكملهم لك تمانيه وسبعين
بس هاكفيهم ورق منين
وكل سنة وانت (......)
وأحنا طيبين