مصر فى ثورة

مصر فى ثورة

الاثنين، 18 أغسطس 2008

الفتاوى ذات البلاوى .. لوزير التعليم العالى


قال وزير التعليم العالى هانى هلال فى رده على سؤال للاعلامى جمال الشاعر حول تاجيل الدراسة الى ما بعد رمضان كما تفعل السعودية : " والله اللى عايز يتعلم كده يروح السعودية , واللى عايز ياخد راحته عشان يصوم .. خلاص بلاش يصوم " ـ
وقال ان هذا يسيئ الى الاسلام , لأن رمضان ليس شهراً للكسل , وحتى لا يقول أحد أن المسلمين لا يعملون فى رمضان

----------------------------------------------------
انتهى كلام معالى الوزير .. الذى لم يجد حوله ـ ومما يفعل هو فى وزارته ـ ما يسيئ الى الاسلام سوى تأجيل الدراسة .. ـ
أيها السيد الوزير المبجل : عفواً ... أنت أول من يسيئ الى الاسلام بسياستك الفاشلة فى الوزارة ضد الطلاب والأساتذة .. وكفى بك اساءة أنك فتحت الجامعات فى عهدك مرتعاً للأمن الذى تجعله فيها بيده مقاليد الأمور ـ والعياذ بالله

هناك 11 تعليقًا:

elkenany يقول...
أزال المؤلف هذا التعليق.
elkenany يقول...

ما شاء الله على فتاوى الوزير

ممكن نأخذ له العذر بأنه لا يعلم بما يجرى فى الجامعات

بس دى مصيبة أكبر أمال وزير ازاى ؟
يمكن يكون مغلوب على أمره ؟
بس لو هوه وزير محترم مش هيرضى بكده

المهم عاوزين نعرف الدراسة هتبدأ امتى من الأخر ؟

elkenany يقول...
أزال المؤلف هذا التعليق.
elkenany يقول...

دى بعض الصور التى التقطتها السنة الماضية أثناء انتخابات الاتحاد بجامعه المنصورة
لعل الوزير يعلم من يسئ للاسلام

freeegyption.blogspot.com
/2007/10/blog-post.html

ايمان @@ بنت الحرية يقول...

والله احنا بتوع التربية والتعليم اتخذنا قررنا خلاص
مش هنروح المدارس غير بعد رمضان يعنى بعد العيد والحمد لله الموضوع اتنشر ومحدش هيروح

ويلا يعنى جات على وزير التعليم العالى ما هما كلهم فى الباى باى بذات بتاعنا (التربية والتعليم)
يلا ربنا يهديهم جميعا

عمرو سلامة يقول...

تسمحلى اقولك ان ده وزير بلطجى .. وردوده تنم على عدم استخدام عقله ... ووزير مستفز لا يعرف كيف يرد على السؤال ...
والوزير ده سياسته فاشله قال احنا كده بنسئ للاسلام
وهو يعنى لما يخلى الامن فى الجامعات ويدخل حرم الجامعه والوسطات الىل شغاله .. والى واللى لو اتكلمنا بأه مش كده يبقى بيسئ للاسلام ...
تسمحلى اقولك انه وزير السياسه الفاشله فى التعامل ...

Zanooba (Zeinab sab9n) يقول...

آه و الله تأجيل الدراسة كام يوم إسائة للإسلام مع أن في كل العالم المحترمة بيراعوا المناسبات الدينية لأهل البلد و لا إحنا عايشين في بلد يهود ولا إيه ؟؟ و كل الأمن اللي مرصوص في الجامعات و الرتب اللي مسكين الجامعات و الشوارع بيد من حديد ..و غياب الديمقراطية و المليارات اللي أتصرفت على ستة إبتدائي رايح جي ...و الفساد و الإستبداد و مناهج الدين اللي ملهاش أي لازمة .........كل ده مش إساءة للإسلام ...أديني عقلك !!

belal يقول...

يا باشمهندس سيبه مع نفسه
هوا حد بيروح الدراسة أول شهر

ثم هو فعلا كلامه صح
ان عدم الدرسا بسبب الدراسة يسئ للإسلام

بس هوا حد قال اننا مش عاوزين الدراسة في رمضان عشان الصيام
وللا عشان مصاريف رمضان زائد مصاريف العيد زائد مصاريف بداية العام الدراسي

المصاريف اللي هوا وأسياده السبب فيها مش الإسلام

..

اصحى يا نايم يقول...

* الأخ عمرو سلامة ـ
علشان كده الامام البنا وضع الركن الاول : الفهم
* الأخ بلال ـ
تقريباً الوزير ناوى ما يصومش السنة دى .. بدال معلق كل المشاكل على الصيام .. وبعدين التعليم مجانى , المصاريف 165 جنيه بس فى جامعة المنصورة !!!ـ

anas3laa يقول...

وزير التربية والتعليم خايف ع الإسلام . كسل ايه و رمضان ايه يا عم هاني . هو احنا ناقصين إساءة للإسلام أكتر م اللي بتعملوه في البلد .

من وحى الألم يقول...

قدمت الجمعية المصرية لمنتجي المنسوجات والملابس الجاهزة برئاسة يحيى الزنانيري بمذكرة عاجلة للمهندس رشيد محمد رشيد وزير التجارة والصناعة؛ تطالب فيها بضرورة مراجعة قرار وزير التربية والتعليم ببدء الدراسة في 20/9/2008، معتبرةً أن القرار يمثل ضربةً قاصمةً لآمال التجارة والصناعة واستمرار البيع حتى عيد الفطر.

وأشارت إلى أن الميعاد لم يأخذ في اعتباره مصالح مختلف الأطراف كالتجارة والصناعة والسياحة، وبالنسبة لصناعة وتجارة الملابس الجاهزة فقد عانت من موسم سيئ وكساد؛ نتيجة ضعف القوة الشرائية التي تأثرت بزيادة الأسعار في جميع المجالات بالإضافة إلى تأثير الملابس الصينية المهربة على السوق.

وأوضحت المذكرة أن قطاع الملابس الجاهزة هو القطاع الوحيد الذي لم تتم أي زيادة في أسعاره، وعلى العكس من ذلك حيث يبدأ حاليًّا موسم تخفيض الأسعار للأوكازيون، وكان من الجيد قرار قطاع التجارة الداخلية بمد الأوكازيون حتى عيد الفطر؛ وذلك لتمكين التجار من تصريف البضائع الراكدة، ولكن جاء قرار بدء الدراسة في 20/9/2008 ليجهض القرار السابق.